Монголчууд аливаа баярыг архигүйгээр тэмдэглэж чадахаа байгаад олон жилийг үдэж байна. Согтууруулах ундаа хэрэглэхдээ заавал цаашаа даварч ухаанаа алдсан хойноо сая нэг “тасарч” зогсоно. Ийм байдлын улмаас архинд өдөрт хэдэн арваараа хордож эмнэлэг бараадах болжээ. Өнгөрөгч долоо хоногт буюу 3 дугаар сарын 24-нөөс 31-ний өдрүүдэд нийт 385 хүн архины хордлогын улмаас эмнэлэгт хандаж, тэдний 9.6 хувь болох 37 нь хэвтэж эмчлүүлсэн байна. Харамсалтай нь архи хэтрүүлэн хэрэглэсний улмаас Баянгол дүүрэгт нэг хүн нас баржээ. Энэ нь өмнөх долоо хоногоос 21.8 хувиар буурсан үзүүлэлт гэнэ.