Цаг үеийн нөхцөл байдалтай уялдуулан  2020 онд Нийслэлийн Аялал жуулчлалын газраас  дотоодын аялал жуулчлалыг хөгжүүлэх үүднээс залуу хойч үед эх орныхоо соёлын өв уламжлал бүхий түүхэн дурсгалт газруудаар аялах боломжийг бүрдүүлж аяллын  чиглэсэн маршрут зохиох,  иргэд болон аж ахуйн нэгж байгууллагуудыг хариуцлагатай,   байгальд ээлтэйгээр ул мөргүй аяллыг дэмжих зорилгоор  олон талт үйл ажиллагаа явуулж байна.

Энэхүү үйл ажиллагааны хүрээнд Нийслэлийн Аялал жуулчлалын газраас байгаль орчноо хамгаалах, зүй зохистой , хариуцлагатай аялах уриаг дэвшүүлж иргэд болон байгууллагуудад  хандан  “ХОГГҮЙ АЯЛАЛ ГОЁ” сэдэвт төлөвлөгөөт 3 сарын аяныг энэ сарын 25-наас эхлүүлжээ.

“ХОГГҮЙ АЯЛАЛ ГОЁ” аяны хүрээнд:

• Нийслэлийн Аялал жуулчлалын газар
• Нийслэлийн Цагдаагийн Удирдах газар
• Улаанбаатар смарт карт ХХК
• Zero Waste club  зэрэг холбогдох 20 гаруй байгууллагууд хамтран ажиллаж байна. Энэ амралтын өдрүүдээр гэр бүл, найз нөхдөөрөө аялж амрах гэж байгаа иргэдэд хоггүй, зөв зохистой аялахыг уриалж хогний уут, мөн машиндаа наах стикерийг жолооч нарт өгч ажиллаа.