Сүхбаатар дүүргийн 4 дүгээр хороо, УИД-ийн өмнө буюу Хичээнгүй сайд Б.Цэрэндоржийн гудамж лед гэрэл бүхий явган хүний гарцын тэмдэг хоёрыг суурилуулжээ. Энэхүү лед гэрлийн программ хангамж, удирдлагыг монгол инженерүүд хийж “Улаанбаатар зам засвар, арчлалтын газар” ОНӨААТҮГ үйлдвэрлэж, суурилуулсан байна.

Уг тэмдэг нь хоёр талтай, нараар цэнэглэгдэх бөгөөд хураасан цэнэгээрээ 10 цаг тасралтгүй асахаас гадна цэнэг хураах хугацаа нь 6 цаг юм. Мөн -45С -аас +70С температурт ажиллах чадвартай төдийгүй ашиглалтын явцад ямар ч нэмэлт төлбөр гарахгүй зэрэг олон давуу талтай.