“Хархорин” захад худалдаа  эрхэлдэг 15 чингэлэг хуурамч будаа савлан зарж байсан нь Баянгол дүүргийн Мэргжлийн хяналтын газрын ээлжит шалгалтаар илэрчээ.  Тэд орос будааг иргэдийн нэрлэж заншсан урд хөршийн “сүмтэй” будаатай хольж зарж байжээ.

Тодруулбал, наймаачид ашиг хонжоо харж ийн худалдаа хийхдээ “сүмтэй“ будааны 40 кг-ын уутнаас гадна заан, анааш зэрэг амьтдын зурагтай хуурамч уутанд жижиглэн савласан байна. Иймээс ард иргэдийг худалдаа хийхдээ үйлдвэрлэсэн хугацаа, чанарын тэмдгийг заавал шалгахыг мэргэжлийн хяналтын газраас анхааруулж байна.