“Рио-2016” Олимпийн эрх олгох боксын Ази номхон далайн орнуудын тэмцээнд манай таван боксчин хүрэл медалийн болзол хангалаа. Хагас шигшээд 49 кг жинд Г.Ган-эрдэнэ, 60 кг-д Отгондалай, 64 кг жинд Б.Чинзориг, 69 кг жинд Б.Түвшинбат, 75 кг жинд Н.Шинэбаяр нар шалгараад байна. Тэд маргааш өрсөлдөгчдөө ялвал шууд олимпийн эрхтэй болох юм. Өмнөд хөршид болж байгаа Ази номхон далайн орнуудын тэмцээнд алт, мөнгөн медальт хүртсэн тамирчид олимпийн эрх авах бол хүрэл медаль дээр буусан тамирчид дахин олимпийн эрхийн төлөөх тулаан хийж нэг нь эрх авна.

        Ийнхүү эх орноо төлөөлж олимпийн эрх авахаар явсан нийт 12 тамирчны тав нь медалийн болзол хангалаа. Харин манай эмэгтэй тамирчдад ирэх 5-р сард Казахстанд болох ДАШТ-д оролцож олимпийн эрхийн төлөө дахин нэг удаа өрсөлдөх боломж байгаа юм.