Дуучин Р.Номин-Эрдэнэ 2015 онд хүүхдийн эрхийн төлөө дуу хоолойгоо хүргэх зорилгоор “Бяцхан зүрх” ТББ-ыг санаачлан байгуулжээ. “Бяцхан зүрх” ТББ-ын анхны ажил нь БСШУЯ-тай хамтран “Хүүхэд бүхэн жаргалтай байг” сэдвийн хүрээнд 20 гаруй хүүхдийн дуу бүтээхээр ажилдаа орж эхэлсэн бөгөөд “Бяцхан зүрх” цомгоо тун удахгүй гаргах бөгөөд цомгийн хамгийн анхны “Бяцхан зүрх” дуугаа дүрсжүүлсэн байна. Дуучин Р.Номин-Эрдэнэ “Би уран бүтээлийн шинэ аяллаа эхлэхээр зүрх шулуудан, ханцуй шамлан орж байна. Уран бүтээлчид бидний хувьд ил гарч нийгмийн сайн сайхны төлөө зоригтой, эрч хүчтэй хөдлөх цаг нь ирсэн” гэж нээлтийн үеэр ярьжээ.