Цагаан баавгай анх удаа далайн гахай /дельфин/ идэж байгааг амьтан судлаачид олж харжээ. Энэ явдал Норвегийн Дээд Арктикт 2014 оны 4-р сард болсон ч энэ долоо хоногт шинжлэх ухааны сэтгүүлд нийтлэгджээ. Цаг уурын өөрчлөлтөөс болж цагаан баавгайны идэш төрөл өөрлөгдсөн байх гэж амьтан судлаачид үзэж байна. Далайн гахайнууд зуны улиралд халуунаас дайжин Арктик руу нүүдэллэдэг. 2014 онд эрт халуун болж тэд хойд зүгийн хүчтэй салхинд туугдан хэт хол явснаас цагаан баавгайн хоол болсон байх гэж судлаачид таамаглаж байгаа юм.

Гэхдээ энэ хачирхалтай зүйл үүгээр дууссангүй. Цагаан баавгай далайн гахайг цасанд булж хөлдөөн нууж хадгалаад дараа нь ирж идсэн байна. Хүрэн байвгаад хоол хадгалах арга байдаг. Харин цагаан баавгайн хувьд энэ нь шинэ нээлт болоод байгаа юм.