“Амьдралд тавтай морил”, “Single Ladies", “Сүүлчийн шөнө”, "Тэнгэрээс буусан од" зэрэг дэлгэцийн уран бүтээлээр өөрийгөө харуулж чадсан авьяаслаг жүжигчин МУСТА О.Дөлгөөн гадаадын уран бүтээлчидтэй хамтран ажиллаж байна.  "Мөрөөдлийн театр”-аас урлагийн гараагаа эхэлж байсан жүжигчин Дөлгөөн Улсын драмын эрдмийн театрт ажиллаж байсан бөгөөд өөрийн ур чадварыг хөгжүүлэхээр АНУ-ыг нөхөр, хүүхдийн хамт зорьсон юм. Тэрбээр Сан Франциско хотын “Academy of Art University” их сургуулийг энэ хавар дүүргэсэн аж. Тийнхүү О.Дөлгөөн маань сургууль төгссөнөөсөө хойш анхны кинондоо тоглосон байна. Эвлэгхэн эерэг дүрийг бүтээдэг жүжигчин маань энэ удаа анхны эсрэг дүр бүтээхээр боллоо.