Түүхий эдээр Токио 2020 олимпийн наадам болон паралимпийн наадмын медалиудыг  бүтээх төсөл хоёр жилийн өмнө эхэлж байжээ.  Уг медалиудыг электроникийн хог хаягдлыг дахин боловсруулан гаргаж авсан байна.  Төслийн багийнхан  80,000 тонн орчим хаягдал цуглуулж, боловсруулсны дотор 6.21 сая хуучин гар утас байсан аж. Үр дүнд 32 кг алт, 3,500 кг мөнгө, 2,200 кг хүрэл (зэс болон цайр) гаргаж авч чаджээ. Олимп болон паралимпийн наадмын тамирчдад олгох 5,000 орчим медалийг бүтээхэд хангалттай хүрэлцэх түүхий эд болсон байна.