Манай улс Тайланд улстай дипломат харилцаа тогтосны 45 жилийн ой тохиож байна. Энэхүү ойн баярын хүрээнд Тайландын консулын газраас 7-р сарын 19-нд Сүхбаатарын талбайд “Тайландын Соёлын Өдөр”-ийг анх удаа зохион байгуулав. Нээлттэй өдөрлөгт Тайландын Вант Улсын соёл, аж ахуй, уламжлалтай танилцан, урлаг соёлын тоглолтыг сонирхож, үндэсний хоол амтлан, Тайландын нэрийн хуудас болсон массаж хийлгэх зэрэг сонирхолтой үйлчилгээнүүдийг авчээ.