Улаанбаатар хотын Ерөнхий менежер бөгөөд Захирагчийн ажлын албаны дарга Т.Гантөмөр долоо хоног бүр нийслэлийн гудамж, зам талбайд таригдсан зүлэг, гоёлын мод, бут сөөг, ургамлан хашлага, том модны ургалт, усалгааны байдалд газар дээр нь очиж үзэн ажлын явцтай танилцан ажилладаг. 
Өчигдөр Тасганы овоо, Энхтайвны өргөн чөлөө, Их тойруу, Бага тойруу, Яармаг дахь Наадамчдын зам дагуух зүлэг, гоёлын мод, бут сөөг, ургамлан хашлага, том мод буюу нарс, гацуурын ургалт, усалгаа, модны дусал залгалт, шинээр хийгдэж байгаа хамгаалалтын троссон хашлаганы ажлын явцыг газар дээр нь үзэж танилцлаа. Гүйцэтгэгч байгууллагуудын ажлыг эрчимжүүлэх, ургалт удаашралтай байгаа 10 гаруй модны ургалтад анхаарч, 2019 оны 07 дугаар сарын 18-19-ний өдрүүдэд ээлжит холимог бордоотой усалгааг хийж ажиллахыг холбогдох хяналтын төрийн бус байгууллага, аж ахуйн нэгж байгууллагуудад үүрэг болголоо.