Италийн цагдаа нар тусгай ажиллагааныхаа үеэр олон тооны галт зэвсэг, нацизмын уриа лоозон болон байлдааны пуужин хураан авчээ. Цагдаагийн газраас мэдээлснээр Францад үйлдвэрлэсэн “Matra Super 530 F” байлдааны пуужин нь Катарын армид хэрэглэгддэг аж. Мөн гурван хүнийг баривчилсан байна. Сэжигтнүүд нь Италийн гаалийн албаны ажилтан асан, 50 настай Фабио дел Бергиоло, Форза Нуова намын идэвхтэн, 42 настай Алессандро Монти, Швейцарийн иргэн 51 настай Фабио Бернанди нар юм. Милан, Варесе, Форли, Новара хотуудад явуулсан терроризмын эсрэг ажиллагаа нь Украины зүүн хэсэг дэх салан тусгаарлагчдыг дэмжих бүлэглэлүүдийн эсрэг хийж буй тэмцлийн нэг хэсэг гэнэ.

Эх сурвалж: ВВС