Жил бүрийн долдугаар сарын 10-нд  Монгол бахархлын өдөр, “Дээлтэй Монгол” наадмыг зохион байгуулдаг. Энэ жил 13 дахь удаагаа болох бөгөөд Чингис хааны талбайд 11 цагаас эхэлнэ. Уг наадмын зорилго нь Монголчуудын уламжлалт соёл түүний дотор үндэстэн ястны дээл хувцас, эд хэрэглэл, ардын урлагийн биет бус өвийг жуулчдад сурталчлах юм. Мөн залуучуудын оролцоог нэмэгдүүлэх, аялал жуулчлалын бүтээгдэхүүн үйлчилгээг хөгжүүлэх зорилготой билээ.