Монголын сагсанбөмбөгийн шигшээ багийн тамирчин, 23 настай О.Дөлгөөн элэгний дутагдал буюу элэгний ком гэсэн оноштойгоор одоо АНУ-ын Калифорнийн дэргэдэх их сургуулийн эмнэлэгт эмчлүүлж байгаа билээ. Тийнхүү түүний эмчилгээнд тзориулж сагсан бөмбөгийн шилдэг багууд нэгдэн, хандивын тоглолт хийхээр болсон. Тоглолт энэ сарын 3, 4-нд буюу маргаашнаас эхлэн "Спортын Төв Ордон"-д болох юм. 18 цагт эхлэх бөгөөд “Хасын хүлэгүүд”, “Тэнүүн Өлзий”, “Танан гарьд”, “Алтан дорнодын дайчид” багууд оролцохоор болжээ. Тоглолтын тасалбараас олсон орлогыг 100 хувь шигшээ багийн тоглогч О.Дөлгөөний эмчилгээнд зориулах гэнэ