Цагдаагийн ерөнхий газраас цахим гэмт хэргээс урьдчилан сэргийлэх чиглэлээр “Unfriend” хөдөлгөөнийг эхлүүлжээ. Учир нь нийгэмд цахим гэмт хэрэг ихсээд байна. Тухайлбал, иргэн Б бага насны охидуудтай фэйсбүүкээр танилцаж, цахим хэлбэрээр үерхэж улмаас 200 гаруй охины нүцгэн зургийг авчээ. Улмаар дарамталж мөнгө авах, бэлгийн харилцаанд ордог байжээ. Түүнчлэн “санхүү авна, сайн ахтай болъё, хөөрхөн дүүтэй болъё” зэрэг зар цахим хуудсуудаар маш их тархсан байдаг.  Энэ зарын цаана биеэ үнэлэлт ихээр явагддаг болохыг цагдаагийн байгууллагаас мэдээллээ.

Үүнээс урьдчилан сэргийлэх үүднээс “Unfriend” хөдөлгөөн, “Хар жагсаалт” гэсэн цахим сайтыг нээж арга хэмжээг таслан зогсоохоор ажиллаж байгаа аж.