Малчид, иргэд, хадланчдал зориулсан цаг агаарын мэдээ: 

Маргаашнаас баруун болон зүүн аймгуудын нутгийн зарим газраар дуу цахилгаантай, түр зуурын бороо орно гэж Ус цаг уур, орчны шинжилгээний газраас мэдээллээ.

2018 оны 08 дугаар сарын 29-нөөс 09 дүгээр сарын 02-ныг хүртэлх цаг агаарын урьдчилсан төлөв:

29, 30-нд баруун болон төвийн аймгуудын нутгийн зарим газраар, 31-нд нутгийн баруун хагаст, 1-нд ихэнх нутгаар бороо орно. Дуу цахилгаантай. Салхи 30, 31-нд нутгийн баруун хагаст, 1-нд ихэнх нутгаар секундэд 14-16 метр хүрч ширүүснэ. Дархадын хотгор, Алтай, Хангай, Хөвсгөл, Хэнтэйн уулархаг нутаг, Тэс голын хөндийгөөр шөнөдөө 3-8 градус, өдөртөө 18-23 градус, говийн бүс нутгийн өмнөд хэсгээр шөнөдөө 13-18 градус, өдөртөө 26-31 градус, бусад нутгаар шөнөдөө 9-14 градус, өдөртөө 20-25 градус дулаан байна.   9 дүгээр сарын 1-нд нутгийн хойд хэсгээр сэрүүснэ.