Энэ зуны хугацаанд буюу зургаадугаар сарын 10-аас наймдугаар сарын 20-ны хооронд Нийслэлийн ногоон бүс, Төв аймгийн нутаг дэвсгэрт үйл ажиллагаа явуулдаг 20 зуслан албан ёсны зөвшөөрөл авч үйл ажиллагаагаа эхлүүлжээ.

Зуслангийн үйл ажиллагааг эхлүүлэх зорилгоор Нийслэлийн Засаг даргын захирамжийн дагуу ажлын хэсэг ажиллаж зуслангуудад хяналт шалгалт хийжээ.

Хяналт шалгалтын ажлын хэсэгт мэргэжлийн байгууллагууд стандарт, дүрэм журмын дагуу ажиллагаа явуулж шаардлага хангасан дээрх зуслангууд үйл ажиллагаагаа эхлүүлж эрхийн бичгээ борлуулж байна.

Зуслангуудын эрхийн бичгийг Нийслэлийн засаг захиргааны 5 дугаар байр буюу Нийслэлийн иргэний танхимаас авах боломжтой юм.

Эх сурвалж: Нийслэлийн Хүүхэд, гэр бүлийн хөгжлийн газар