Нийслэлийн Чингэлтэй дүүргийн Эрүүгийн хэргийн анхан шатны шүүх С.Баярцогтыг үргэлжлүүлэн дахин нэг сар хорих шийдвэрийг гаргасан тухай С.Баярцогтын өмгөөлөгч мэдээлэв. 

Тэрбээр "Шүүхээс С.Баярцогтыг үргэлжлүүлэн нэг сарын хугацаатай хорих шийдвэр гаргалаа. Шүүх прокурорын гаргасан саналыг үндэслэн дээрх шийдвэрийг гаргасан. Прокурор С.Баярцогтыг дахин гэмт хэрэг үйлдэх магадлалтай, мөн түүний хэрэг нь их ээдрээтэй байна гэсэн хэд хэдэн үндэслэл гаргаж ирсний дагуу шүүх шийдвэрээ гаргалаа. Бид прокурорын энэхүү үндэслэлд эргэлзэж байна" гэв.