Орон нутгаас Улаанбаатар хот руу агаарын тээврээр зорчих дамнуургатай өвчтөн зургаан хүний сандал эзэлж ирдэг байна. Тиймээс агаарын тээврийн авиа компаниуд зургаан зорчигчийн суудлыг эзэлсэн тухайн өвчтөнөөс гурван зорчигчийн мөнгө авдаг аж. Гэтэл орон нутгаас онгоцоор ирэх өвчтөнүүдийн тасалбарыг гурван хүнийхээр бус нэг зорчигчийнхоор тооцож эхэллээ, өвчтэй зорчигчийн тасалбарын үнийн дүнгийн 98 хувийг хөнгөлж, төр даахаар боллоо гэсэн мэдээлэл цацагдсан. Тэгвэл энэ мэдээлэл нь худал болохыг Иргэний нисэхийн ерөнхий газраас мэдэгдлээ.