Оюун ухаанаараа дэлхийд гайхагдаж, эх орныхоо нэрийг өндөрт өргөж яваа охин бол Б.Янжиндулам. Тэрбээр Индонез улсад зохион байгуулагдсан ой тогтоолтын Дэлхийн аварга шалгаруулах тэмцээнд амжилттай оролцож, 15 минутад 212 хүний нэр, нүүр тогтоосноор дэлхийн рекордыг шинэчлэн тогтоожээ.

Дашрамд сонирхуулахад, 14 орны хэлээр чөлөөтэй ярьдаг авьяаслаг бүсгүй Б.Янжаа хамгийн сүүлд алдарт Steve Harvey-гийн шинэ шоунд оролцсон анхны Монгол хүнээр тодорчээ. Тэрээр тус шоунд оролцохдоо өөрийнхөө ой тогтоолын тухай ярьж шоуны хөтлөгч болон үзэгчдийг гайхшруулсан юм.