Монголын үндэсний олимпийн хорооноос сар бүрийн шилдэг тамирчдыг олон нийтийн саналаар тодруулж байхаар болсон билээ. Аравдугаар сарын шилдгүүдийн санал хураалт дуусч, ялагчаар Азийн аварга шалгаруулах тэмцээнд түрүүлсэн сагсан бөмбөгийн 3x3 шигшээ баг шалгарчээ.

Аравдугаар сарын шилдэгт Хөдөлмөрийн баатар Д.Сумъяа, Гавьяат тамирчин Д.Одбаяр нар Абу Дабигийн их дуулгад түрүүлсэн амжилтаараа өрсөлдсөн бол жүдо бөх залуучуудын ДАШТ-д мөнгөн медаль хүртсэн Л.Энхрийлэн, Тайландын Бангкок хотноо болсон Эзэн хааны цомын тэмцээнд түрүүлсэн, хүндийг өргөлтийн тамирчин Г.Анужин нар мөн нэр дэвшсэн юм.