Victoria's Secret-ийн загварын шоуны үеэр 28 настай Хятадын загвар өмсөгч Минг Ши өмсгөлийнхөө хормой дээр санамсаргүй гишгэн халтирч, өвдгөн дээрээ унажээ. Гайхалтай нь Минг Ши унах мөчдөө биеийнхээ цэгц байдлыг алдалгүй, инээмсэглэсэн хэвээр хормын зуур эргэн босож ирсэн бөгөөд тайзны алхаагаа үргэлжлүүлэн амжилттай дуусгаж чадлаа. Минг Шигийн араас алхаж байсан модель Жизель Оливейра түүнд дэмжлэг үзүүлсэн нь мөн Victoria's Secret-ийн гэр бүл хичнээн нөхөрсөг болохыг баталлаа гэж үзэгчид ам сайтай байгаа юм.