Нийтийн тээврийн долоон чиглэлд өөрчлөлт орлоо

2017 оны 08 сарын 14

Энхтайваны өргөн чөлөө, баруун 4 замаас зүүн 4 зам хүртэл зүүн гар тийш эргэдэггүй болсонтой холбоотой нийтийн тээврийн зарим чиглэлд өөрчлөлт орcон байна. Энэ тухай Нийслэлийн Тээврийн газраас мэдээлэл хийлээ.

Маргаашнаас эхлэн нийтийн тээврийн үйлчилгээний долоон чиглэлийн 81 тээврийн хэрэгслийн замналд өөрчлөлт орсон хэмээн Тээврийн төлөвлөлт технологийн хэлтсийн орлогч дарга С.Булгаа онцлов. Тодруулбал нийтийн тээврийн хоёр уулзварт том оврын автобусны үйлчилгээний зам өөрчлөгдөж буй аж. Ингэснээр Багшийн дээдээс явдаг 7 чиглэлийн автобусны замнал өөрчлөгдөж байна.

Дараах долоон чиглэлд өөрчлөлт орсон байна.

Бөмбөгөрийн уулзвараас Чоймболын гудамж өнөөдрийн байдлаар нэг чигийн хөдөлгөөнтэй байгаа. Үүнийг сөрөг хөдөлгөөнтэй болгох юм. Мөн нэгдүгээр сургуулийн баруун талын зам сөрөг хөдөлгөөнтэй болж буй учир жолооч нар маань замын тэмдэг, тэмдэглэгээ, гэрлэн дохиогоо баримталж замын хөдөлгөөнд оролцохыг албаныхан анхааруулав.