Үндэсний бүтээн байгуулагч “Жигүүр гранд” групп нь 10 гаруй салбар компанитай Монголын томоохон группийн нэг юм. Өдгөө “Жигүүр Гранд” групп болон өргөжиж 28 жилийн замналтайгаар барилга, эрүүл мэнд, гадаад, дотоод худалдаа, гэр бүлээрээ чөлөөт цагаа зөв боловсон өнгөрүүлэх энтертайнмент төв зэрэг олон салбар уруу хүч түрэн оржээ. Мөн барилгын салбарт 8000 гаруй боловсон хүчин бэлтгэсэн байдаг.

Жил бүр ойн баярын хүрээнд “Жигүүр Гранд” группийн захиргаанаас группийн 1000 гаруй ажилтнаа манлайлан тууштай хөдөлмөрлөсөн ажилчдаа урамшлуулал цалингаар шагнадаг нь нэг талаар урам, нөгөө талаар уламжлал болсон үйл явдал юм. Энэ бол томоохон группийн нийгмийн хариуцлагаа биелүүлж байгаа тогтсон хэлбэр юм. Мөн ойн баярын өдөр “Жигүүр Гранд” группийн гүйцэтгэх захирал Б.Халиун тун удахгүй ашиглалтанд орох "Parк View" төслийн барилга дээр хүрэлцэн ирж, ажилчдадаа урмын үг хэлж амжилт хүсжээ.