Нийслэлд өчигдөр хүчтэй аадар бороо, мөндөр орсны улмаас Сонгинохайрхан дүүргийн 21 дүгээр хороо Жаргалант тосгоны төвд үерийн аюултай нөхцөл байдал үүссэн. Тэгвэл энэ үеэр 40 настай эмэгтэй, 4-5 насны хоёр хүүхэд амиа алдаж, дөрвөн хүүхэд хүнд хөнгөн гэмтсэнийг эмнэлэгт хүргэсэн талаар Нийслэлийн Онцгой Байдлын Ерөнхий Газраас мэдээллээ. Иймд иргэд та бүхнийг үер усны аюулаас болгоомжилж, сонор сэрэмжтэй байхыг анхааруулж байна.