"Авьяаслаг Америкчууд” шоу нэвтрүүлэгт АНУ-ын Чикаго хотод амьдардаг Б.Баттулга гэх монгол залуу оролцож буй юм байна. Тэрбээр тэмцээний хоёрдугаар шатанд  урт модны хоёр үзүүрт гал асаан, түүнийгээ толгой дээгүүрээ эргүүлэх байдлаар циркийн үзүүлбэр үзүүлжээ. Мөн тайзан дээр шүүгчдийг модны хоёр үзүүрт суулган эргүүлсэн нь үзэгчдэд ихэд таалагдаж, шүүгчид түүнд өндөр үнэлгээ өгсөн байна. Түүний уг үзүүлбэр долоодугаар сарын 25-ны мягмар гарагт NBC сувгаар гарах аж.