АНУ-ын Калифорни мужийн Лос Анжелес хот дахь Майкел Винсент академийг нүүр будалтийн чиглэлээр төгссөн О.Ононтунгалаг гэх монгол эмэгтэй Холливудын ододтой хамтран ажиллаад багагүй хугaцааг үджээ. Тэгвэл тэрбээр энэ удаад Оросын алдарт реппер Тимоти болон Виктория Секретийн сахиусан тэнгэр Ирина Шейк нарын нүүр будагч, стилистээр ажиллажээ. Тэрээр “Victoria's Secret”-ийн модель Ирина Шейкийг “Нүд унагамаар сайхан бүсгүй юм. Бас ямар сайхан найрсаг юм бэ” гэжээ.

О.Ононтунгалаг 100-аад мянган дагагчтай "Oono`s make up" пэйж хуудсаараа дамжуулан монгол охид, бүсгүйчүүддээ нүүр будалт, гоо сайхны төрөл бүрийн зөвлөгөөг хүргэдэг юм. Тэрбээр өмнө нь Chris Brown, Amber Rose, Kelly Rowland Каспер Смарт зэрэг алдартнуудтай хамтран ажиллаж байжээ.