Монгол Улсын түүхэнд тэмдэглэгдэн үлдэх чухал үйл явдал маргааш болох гэж байна. Энэ өдөр манай улс анхныхаа хиймэл дагуулыг хөөргөж, тойрог замд оруулах юм. Монголоос өөр хаана ч байдаггүй говийн баавгай мазаалайн нэрээр нэрлэгдсэн уг хиймэл дагуулыг тэрбумтан Илон Маскийн “SpaceX” компанийн “Falcon 9” пуужингаар сансарт гаргахаар гэрээ хийсэн бөгөөд пуужин маргааш Кеннедигийн нэрэмжит сансрын буудлаас хөөрөх юм.

Газрын гадаргаас 400 км-т байрлах хиймэл дагуултайгаа манай улс өдөрт 5-6 удаа холбоо барьж мэдээлэл авах боломжтой юм байна. Манай улс энэ удаагийн төсөл амжилттай болсон тохиолдолд хоёр дахь хиймэл дагуулаа 2019 онд хөөргөхөөр төлөвлөөд байгаа аж.