Гранд Мед эмнэлэг нь Анагаах ухааны чиглэлээр ажиллаж буй доктор, магистр, докторант, магистрант, судлаачдын бүтээлийг олон нийтэд танилцуулж, мэдлэг, туршлага солилцох зорилгоор Олон Улсын Эрдэм Шинжилгээний хурлыг 2017 оны 06-р сарын 23-24нд Гэгээнтэн энтертайнмент төвд зохион байгуулах гэж байна. Уг хурлаар Нуруу нугас, Үе мөчний мэс засал, Спортын гэмтэл болон Анагаах ухааны бусад чиглэлийн илтгэлүүд танилцуулагдана. Хуралд ГССҮТ, Цэргийн төв эмнэлэг, Мөнгөн гүүр зэрэг эмнэлгийн эмч, эрдэмтэд оролцох ба БНСУ-ын CL Эмнэлэг, L&K Biomed зэрэг компаниуд оролцож Анагаах ухааны салбарт хийгдэж буй судалгаа шинжилгээ, ололт амжилтыг танилцуулна.