Дорнод аймгийн Матад сумын нутагт газрын тосны чиглэлээр үйл ажиллагаа явуулдаг БНХАУ-ын 100 хувийн хөрөнгө оруулалттай “Петро Чайна Дачин Тамсаг” ХХК-ийн олборлолтын 21-р талбайд осол гарч, нэг хүн амиа алджээ. Тодруулбал энэ сарын 19-ний орой тус компанийн оператороор ажилладаг Халхгол сумын иргэн 23 настай залуу цахилгаанд цохиулан нас барсан байна. Хэргийг  Дорнод аймгийн цагдаагийн газарт эрүүгийн хэрэг үүсгэн шалгаж байна.