Баянхонгор аймгийн Галуут сумын нутагт автомашин, мотоциклтой мөргөлдсөн осол гарчээ.Тодруулбал тус сумын нутаг “Билийн улаан цохио” гэдэг газар шороон замд Uaz-469 маркийн Л жолоочтой автомашин нь улсын дугааргүй Мустанг-5 маркийн мотоциклтой мөргөлджээ. Ослын улмаас мотоциклийн жолооч 24 настай Б-н амиа алдсан байна. 

Дулааны улиралд унадаг дугуй, мопед, мотоциклийн хэрэглээ эрс нэмэгдэж үүнтэй холбоотой зам тээврийн ослын дуудлага, мэдээлэл ихээр бүртгэгддэг. Хөдөө, орон нутагт иргэд мотоциклийг өдөр тутмын амьдрал ахуйдаа өргөнөөр унаж, хэрэглэж байна.Иймд унадаг дугуй, мопед, мотоцикльтой замын хөдөлгөөнд оролцохдоо хамгаалах хэрэгсэл, хамгаалах малгайг бүрэн өмсөж хэрэглэн, анхаарал болгоомжтой замын хөдөлгөөнд оролцохыг сэрэмжлүүлж байна.