Энэ сарын 7-ноос 13-ны өдрүүдэд Ховд аймагт Дэлхийн эмч нарын нийгэмлэгийн Түлэнхийн нөхөн сэргээх пластик мэс заслын франц эмч нар ажиллаж, орон нутгийн иргэдэд түлэнхийн гоо заслын үзлэг, мэс заслыг үнэ төлбөргүй хийж буй юм байна.

Тодруулбал, франц эмч нар Гэмтэл согог судлалын үндэсний төвийн Түлэнхийн тасгийн эмч А.Ерланаар ахлуулан есөн хүний бүрэлдэхүүнтэйгээр БОЭТ-ийн Гэмтэл, Чих, Хамар хоолой, Эрүү нүүрний мэс заслын тасагт Түлэгдэлтийн дараахь арьсны сорви арилгах, ямар нэгэн гэмтлийн дараах эрхтэний үйл ажиллагааг  сэргээх  зорилготой  эмчилгээ, массаж, арьс нөхөх мэс заслыг хийж байгаа аж.