Эрүүл, гоолиг, бас эрч хүч дүүрэн байхад тань туслах ундааны амттай жоруудыг танилцуулъя. Өөрийнхөө амталгаанд тохируулаад бага зэрэг элсэн чихэр, зөгийн бал зэргээр амталж болно. Орой унтахын өмнө тогтмол хэрэглэх нь илүү үр дүнтэй гэнэ.

1. Жин хасах нимбэгийн ундаа

Орц:

• Таван ширхэг нимбэг
• Нэг литр хийжүүлсэн ус
• Гааны навч
• Мөс

Бэлтгэх:

Дөрвөн ширхэг нимбэгийн шүүсийг шахаж авна. Үлдсэн нэг нимбэгийг нимгэн хэрчинэ. Шүүсээ хийжүүлсэн устайгаа холиод ундаагаа зүссэн нимбэг, мөс, гааны навчаар амталж ууна.

2. Ханборгоцойн ундаа

Орц:

• Нэг литр хийжүүлсэн ус
• Нэг ширхэг нимбэг
• Нэг  аяга ханборгоцой жимсний шахаж гаргасан шүүс
• Гааны навч

Бэлтгэх:

Усаа саванд хийгээд буцалгана. Нимбэгийн хальсыг үрээд, шүүсийг нь шахаж авна. Буцалж буй усандаа элсэн чихрээ нэмээд бүрэн уустал нь хутгана. Дээрээс нь үрсэн нимбэгийн хальсаа хийгээд, галаа унтраана. Хөрснийх нь дараа нимбэг болон ханборгоцойн шүүсээ нэмж хийнэ. Уухын өмнө гааны навчаар амтлаарай.