Монгол Улсын Авто тээврийн өөрөө явагч хэрэгслийн албан татварын тухай хууль, Агаарын бохирдлын төлбөрийн тухай хуулийн дагуу авто тээврийн болон өөрөө явагч хэрэгслийг эзэмшиж байгаа хувь хүн, хуулийн этгээд жил бүр албан татвар төлдөг. Ингэхдээ улсын дугаарын төгсгөлийн тооноос хамаарч төлөх хуваарь нь өөр, өөр байдаг. Журмаар энэ сард 4, 9 тоогоор төгссөн улсын дугаартай автомашины жолооч нар татвараа төлнө. Хугацаа бага болж байгаа тул сардаа багтаан татвараа төлөх,  хугацаа хэтэрсэн тохиолдолд торгууль ногдуулахыг албаныхан сануулж байна.