Нийслэлийн хэмжээнд 23 зөрчилтэй барилга бүртгэгджээ. Тэдгээрээс нийслэлийн засаг даргын удирдлагын зөвлөлийн хурлаар дөрвөн барилгыг буулгах шийдвэр гаргасан байна. Одоогийн байдлаар, Иргэн Машбатын БГД-ийн 11 дүгээр хороонд байрлах үйлчилгээний хоёр давхар барилгын өргөтгөлийг эзэмших газраас нь хэтрүүлэн барьсан, өргөтгөл барих батлагдсан зураг төсөл байхгүй, явган хүний зам талбай зорчих хэсгийг хаасан, инженерийн шугам сүлжээний хоёр худаг дээр барьсан зэрэг зөрчил илэрсэн тул буулгаад байгаа аж. Ийм зөрчилтэй барилгыг буулгах ажлыг Мэргэжлийн хяналтын байгууллагаас шат дараатай хэрэгжүүлж эхлээд байна.