Монгол хэлний тухай хуульд зааснаар төрийн болон хэвлэл мэдээллийн байгууллага монгол хэлний хэм хэмжээг баримталж байгаа эсэхэд хяналт тавьж, дүгнэлт гаргах, эрх бүхий судалгааны байгууллагатай хамтран монгол хэл, бичиг үсгийн хэрэглээг олон нийтэд сурталчлах, түгээн дэлгэрүүлэх ажлын хүрээнд иргэдийн найруулан бичих чадварыг мэдээлэл, арга зүйгээр хангах зорилготойгоор энэхүү цахим сайтыг нээжээ. 

Тус сайт нь найруулгын төрөл зүйл /уран зохиол, албан бичиг, шинжлэх ухаан болон нийтэлгээний найруулга/ хаяг, тэмдэглэгээ, зөвлөмж, мэдээ гэсэн бүтэцтэй.

Энэхүү цахим хуудсыг иргэдэд найруулгын тухай ерөнхий ойлголт өгч, найруулан бичих чадвараа дээшлүүлэхэд мэдээлэл өгч эрдэмтэн, судлаач, багш нарын санал зөвлөмжийг хүргэх, нийтэд буруу хэвшсэн найруулгын алдааг яагаад буруу болоод байгаа учир шалтгааныг тайлбарлан мэдээлэх юм.