3-р сарын 22-ны өдөр нийслэлийн ойролцоох малчин айлын өвөлжөө малтайгаа шатсан хэрэг гарчээ. Тодруулбал, Баянзүрх дүүргийн 20-р хорооны Арцатын ...тоотод суух 72 настай иргэн М-ийн өвөлжөөнд гал гарч, хоёр үнээ, гурван шүдлэн үхэр, нэг бяруу нийт таван бод мал шатжээ. Улмаар, Онцгой байдлын ерөнхий газрын алба хаагчид галыг бүрэн унтрааж аюулгүй болгосон бөгөөд галын шалтгаан нөхцлийг тодруулахаар ажиллаж байна. Агаарын хуурайшилтын үе эхэлж байгаатай холбогдуулан, иргэд гал түймрийн аюулаас сэргийлж, сонор сэрэмжтэй байхыг Онцгой байдлын газраас анхаарууллаа.