Хууль зүйн үндэсний хүрээлэн иргэдэд эрх зүйн мэдээлэл хүргэх, хууль тогтоомжийг хялбаршуулан сурталчлах үндсэн чиг үүрэгтэй. Тус хүрээлэн ЕБС-ийн ахлах ангийн сурагчдад гэмт хэргээс урьдчилан сэргийлэх, нийтлэг холбогддог гэмт хэргийн талаар мэдээлэл өгөх сургалтыг гурав дахь жилдээ зохион байгуулж байна. Цагдаагийн байгууллага гэмт хэрэгт холбогдсон насанд хүрээгүй иргэдийн 44.7% нь 16 хүртэлх насныхан байдгийг мэдээллээ. Өсвөр насныхан бусдын эд хөрөнгийг хулгайлах, дээрэмдэх, танхайрах, булаах зэрэг гэмт хэрэгт түлхүү холбогддог, гэмт хэрэг үйлдсэн сэдэл нь хөнгөн хийсвэр зан, хууль, эрх зүйн мэдээлэл муутай байдгаас үүдсэн байдаг байна.  Тиймээс Хууль зүйн үндэсний хүрээлэн 2016 оны байдлаар нийт 500 гаруй сурагчдад өсвөр насны хүүхдийн зан байдал, насны онцлогт тохирсон хөтөлбөрийн дагуу 10 удаа сургалт, уулзалт, мэдээлэл хийжээ.  Энэ удаад 50 дугаар сургуулийн ахлах ангийн сурагчдын дунд сургалт зохион байгуулав. Сургалтын талаарх ХЗҮХ-ийн Хууль зүйн мэдээлэл, сургалт сурталчилгааны төвийн эрхлэгч А.Түвшинтулгын яриаг хүргэж байна.

                                                                                                                                                                                Х.Содгэрэл