Хумсны будаг сонгохдоо дараах дөрвөн зүйлийг заавал анхаарах хэрэгтэй. Учир нь хумс амьсгалдаг учраас та яаж арчилж, ямар бүтээгдэхүүн хэрэглэснээс хумс тань эрүүл байх эсэх шалтгаална гэдгийг хэзээ ч бүү март.

1. Хаана худалдаалж байгааг анхаарах 

Гадаа ил талбайд худалдаалж байгаа хумсны будгийг авахгүй байх хэрэгтэй. Учир нь нар салхи, агаарын хэм гэх зэрэг хүчин зүйлээс шалтгаалж хумсны будгийн чанарт өөрчлөлт орсон байдаг. 

2. Хумсны будагны хугацааг анхаарах 

Хумсны будаг гэх зэрэг гоо сайхны бараа бүтээгдэхүүн дээр үйлдвэрлэсэн хугацааг тавьсан байдаг бөгөөд 2-3 жилийн хугацаатай байдаг. Хугацаа нь дууссан буюу хэтэрсэн хумсны будагны чанарт мэдээж өөрчлөлт орно. Ихэвчлэн европын орнууд өдөр-сар-он гэсэн дараалалтай байдаг бол азийн орнууд он-сар- өдөр гэсэн дараалалтай байдаг. 

3. Аль улсын бүтээгдэхүүн болохыг нь анхаарах

Зарим хумсны будган дээр Made in Korea гэдэг ч юм уу Made in Japan гэж бичэхгүйгээр international bar code буюу олон улсын барааны зураасан кодыг тавьсан байдаг тул энэ кодыг анхаарч аваарай. 
Манай улсын барааны код 865

Мэдвэл зохих 15 улсын барааны код: 

АНУ, Канад- 000~139 
Франц- 300~379 
Болгар-380 
Герман-400~440 
Орос- 460 ~ 469 
Япон- 490~ 495 
Англи- 500~509 
Хятад- 690~ 695 
Израли-729 
Аргентин- 779 
Итали -800~ 839 
Чех-859 
Солонгос-880 
Энэтхэг-890 
Вьетнам-893 

4. Үнэрийг нь анхаарах 

Сонин сонсогдож магадгүй л дээ. Чанар муутай хумсны будагны үнэр их хурц байдаг. Үнэр нь сул байх тусмаа чанар нь сайн байдаг.

 Хумсаа хэрхэн зөв будах вэ?

Хумс будахад 3 дараалал байдаг.

• BASE COAT гэдэг зүйлийг түрхдэг. Энэ нь тэжээл өгч будагнаас хамгаалдаг. Мөн base coat-г түрхэхгүй байснаар хумс шарладаг.
• Хумсны будгаа 2 давхарлан будна.  Тэгвэл өнгө нь сайн ордог.
• TOP COAT-г түрхэнэ. Энэ нь будсан хумсыг гялалзуулдаг.