Монголын уламжлалт цагаан сарын баярыг угтан Баянзүрх дүүргийн Засаг даргын захирамжийн дагуу бүх нийтийн их цэвэрлэгээг зохион байгуулсан. Нийтийн их цэвэрлэгээгээр Нийслэлийн Мэргэжлийн хяналтын газраас цэвэрлэгээнд идэвхгүй оролцсон аж ахуйн нэгжүүдэд 1,6 сая төгрөгийн торгуулийн арга хэмжээ ногдуулжээ.

Тус цэвэрлэгээнд дүүргийн нутаг дэвсгэрт үйл ажиллагаа явуулдаг 1130 аж ахуйн нэгж, байгууллагын 2434 иргэн, Ерөнхий боловсролын 18 сургуулийн 234 хүн, 12 их дээд сургуулийн 109 хүн, 11 цэцэрлэгийн 158 хүн, 94 СӨХ-ийн 492 хүн, 79 төрийн байгууллагын 562 албан хаагчид нийт 88650м2 талбайн 121.7 тонн  хог хаягдлыг цэвэрлэжээ.