Дэлхийн 15 орны 178 тамирчин өрсөлдсөн 30 сая воны шагналын сантай Солонгосын Ой тогтоолтын тэмцээн өнгөрсөн амралтын өдрүүдэд боллоо. Энэхүү тэмцээнд эх орноо төлөөлөн оролцсон тамирчид 14 алт, 15 мөнгө, 12 хүрэл буюу нийт 41 медаль хүртэн багаараа түрүүлж,  дэлхийн 4 дээд амжилтыг тогтоожээ. Тодруулбал,  бага насны ангилалын "Зураг" төрөлд Б.Хангал, дунд нас буюу өсвөр насны ангилалд "Зураг" төрөлд Их Мастер Б.Ариунсанаа, 10 минутын "Хөзөр" төрөлд ОУ-ын Мастер Э.Лхагвадулам, "Дуут цифр төрөлд Г.Энхлэн нар тус тус дэлхийн дээд амжилтыг шинэчлэн тогтоосон байна.

Нэмж мэдээлэхэд, тус тэмцээнд Солонгос, Монгол, Америк, Филиппин, Япон зэрэг 15 улсын нийт 178 тамирчин 90 багц медалийн төлөө бага, дунд, насанд хүрэгчдийн ангилалд харааны болон сонсголын ой тогтоолтын 10 төрлөөр өрсөлдөн оюун ухаанаа уралдуулж шилдгүүдээ тодруулсан байна.