Word програм оюутан, офисын ажилтан гээд бичиг цаасны ажилтай зууралддаг бүх хүмүүсийн ажлын гол багаж, хэрэгсэл билээ. Гэвч Word дээр ажлыг маш ихээр хөнгөвчлөх функ, комбинациудыг олон жил энэ програм дээр ажилласан хур их туршлагатай хүмүүс хүртэл мэддэггүй. Ингээд Word дээр ажиллахад хугацаа хэмнэж, ажил хөнгөвчлөх аргуудыг та бүхэнд хүргэе.
Shift+Alt+D товчийг дарахад өнөөдрийн огноо автоматаар тавигдана. Мөн Shift+Alt+T командыг өгөхөд цаг, минут тавигдана.
Та санамсаргүй CAPSLOCK дарж, үүнийгээ анзааралгүй текстээ том үсгээр шивсэн бол текстээ идэвхжүүлж байгаад Shift+F3 товчийг дараарай. Ингэхэд текст жижиг үсэгтэй болж хувирна.
Текст дунд шилжихэд (← товч, эсвэл → товчийг ашиглахад) нэг нэг үсгээр шилждэг. Харин үүнийг түргэвчлэхийн тулд Ctrl+ ← , эсвэл → товчийг дарахад үг үгээр шилжинэ.
Текстээс дэс дараалалд байхгүй хэд хэдэн хэсэг үгсийг зэрэг сонгох шаардлагатай бол Ctrl товчийг дарж байгаад шаардлагатай хэсгүүдээ зэрэг сонгох боломжтой.
Home цэсний Clipboard товчийг дарахад тухайн файл дээр Copy Paste хийсэн үйлдлүүдийг жагсаалт харагдана.
Хэрэв танд текст дунд дэлгэцийн зураг (screenshot) оруулах шаардлага үүсвэл /гарын авлага, заавар боловсруулж байхад их хэрэглэгддэг/ Insert цэс рүү ороод Screenshot товч дээр дараад идэвхтэй байгаа цонхнуудыг зурагны сонголт гарж ирнэ.
Хамгийн сүүлд хийсэн үйлдлийг давтахын тулд F4 товчийг дарна.
Их хэмжээний текстыг сонгохын тулд текстыг эхэнд курсороо авчраад Shift товчийг дарж байгаад текстын төгсгөлд дарахад сонгосон текст бүхэлдээ идэвхжинэ.
– Ctrl+Alt+Page Down — дараагийн хуудсанд очих;
– Ctrl+Alt+Page Up — өмнөх хуудсанд очих;
– Ctrl+Home — хуудасны эхэнд очих;
– Ctrl+End — хуудасны төгсгөлд очих.
Ctrl+Enter файл шинээр үүсгэнэ.
Файл дахь мэдээллээ нууцлах зорилгоор нууц үг хийхийг хүсвэл File цэснээс Protect document гэж ороод Encrypt with password нүдийг сонгон, нууц үг оруулна.
МАРКЕТИНГИЙН АЛБА
976-77770784
hiubsite@gmail.com
976-77770784
976-77770784
Хаяг: Монгол Улс, Улаанбаатар хот, Хан-Уул дүүрэг, 15-р хороо, Романа Ресиденс, 18 давхарт