Удаан хугацааны туршид түргэн хоол болон чихэр зэрэг таргалуулдаг бүтээгдэхүүнийг тэвчиж, байнга дасгал хөдөлгөөн хийж, хэрэндээ л хичээсээр байгаа ч нэг л үр дүнд хүрч чадахгүй хэвээр байна уу?

Шалтгаан нь таны өглөө бүр хийдэг байнгын дадал зуршилд нуугдаж байдаг аж.

1. Хэт их унтах

Хэт бага цаг унтах нь хүн шаардлагатай эрч хүчээ сэлбэж чадахгүйд хүрч, стрессний эсрэг хариу үйлдэл үзүүлэх гормоны ялгарлыг бууруулдаг. Гэвч эсрэгээрээ, хэт их унтах нь ч мөн сөрөг нөлөөтэй гэнэ. “PLOS One” сэтгүүлд нийтлэгдсэн судалгааны дүнгээр өдөрт 10-аас их цаг унтах нь биеийн жингийн индекс өсөх шалтгаан болдог аж. Тиймээс эмч нар өдөрт 7-9 цаг тогтмол унтаж заншихыг зөвлөдөг байна.

2.Ороо байнга хураах

Ороо үргэлж хурааж, засч занших нь ихээхэн ач холбогдолтой зүйл аж. Сонирхолтой нь ороо хураадаг хүмүүсийн нойрны хэмнэл тогтвортой байдаг нь жингээ тогтвортой байлгахад ч нөлөөлдөг байна.

3.Харанхуйд сэрэх

Сэрэнгүүтээ хөшгөө нээж гэртээ нарны гэрэл оруул. Өглөөний нарны туяа нь хүний биеийн бодисын солилцоог дэмжиж, биеийг сэргээдэг гэдгийг та мэдэх үү? 20-30 минут нарны гэрэл оруулахад л биеийн жингийн индекст нөлөөлж чаддаг байна.

4.Өглөөний цай уудаггүй

Ихэнхи хүмүүс өглөөний цайгаа уулгүй, ажилдаа яаран гарч оддог. Гэвч өглөөний цай уухгүй байх нь таныг жин нэмэхэд ихээхэн нөлөө үзүүлж байдаг. Өглөөний цай 600 калориас багагүй байх хэрэгтэй. Ингэснээр орой юм идэх дуршил, өлсөх мэдрэмж багасахаас гадна, ажлын бүтээмжтэй байхад ихээр нөлөөлж, эрч хүчтэй байлгадаг байна. 

5.Жингээ хэмжихээ мартдаг

Судлаачид өдөр бүр жингээ хэмжих нь илүүдэл жингээ хасахад нөлөөлдөг амжилттай техник болохыг баталжээ.Гэхдээ та өглөө босоод ямар нэгэн зүйл идэж, уухаасаа өмнө жингээ үзэх хэрэгтэй. Ингэснээр өмнөх өдрөөсөө хэр их өөрчлөгдсөнийг оновчтой тодорхойлж болно.