"Мон-Алтиус” биеийн тамирын дээд сургуулийн 20 жил, "Перфект боди” фитнес клубын 5 жилийн ойг тохиолдуулан зохион байгуулж буй МОН-АЛТИУС PERFECT CUP-2017 Бодибилдинг фитнесийн нээлттэй тэмцээн UB palace-ийн Royal танхимд  2017 оны 01 дүгээр сарын 27-ны өдөр амжилттай болж өндөрлөлөө.

Эв нэгдэл-спортын үзэл санааг олон нийтэд сурталчилан дэлгэрүүлэх, нийтийн биеийн тамирыг бодибилдинг фитнесийн спортоор дамжуулан  олон нийтэд сурталчилах, нийгмийн эрүүл мэндийг бэхжүүлэх, эрүүл мэндийн боловсролыг олон нийтэд таниулан хүргэх зорилготой уг тэмцээнд бодибилдинг  (Улс, хотын аварга шалгаруулах тэмцээнд медаль авч байсан тамирчид), бодибилдинг (Улс, хотын аварга шалгаруулах тэмцээнд медаль авч байгаагүй тамирчид), эмэгтэй модель, эрэгтэй спорт модель гэсэн дөрвөн ангилалаар явагдаж тус тусд нь шилдгүүдээ шалгарууллаа. 

Зохион байгуулагч: "Мон-Алтиус”БТДС, "Перфект боди” фитнесклуб,
Хамтран зохион байгуулагч:   Монголын бодибилдинг фитнесийн холбоо, Power nutrition.