Япон улсад зохиогдсон “JP HACKS” уралдаанд Монгол залуус оролцон “Best Hack award” шагналын эзэн боллоо. Энэхүү тэмцээн нь Японы оюутан залуусын дунд зохиогддог хамгийн том уралдаануудын нэг юм. 

Токиогийн технологийн институтийн оюутан Д.Батчунаг болон түүний багийнхны бүтээсэн “Cookbot” аппликеэйшн нь ухаалаг утсанд зориулагдсан бөгөөд хоол хийх орц найрлагыг нарийн гаргаж, гэрэл зургийн хамтаар нийтэлдэг. Иргэд хийх гэж буй хоолоо сонгоход аппликейшн автоматаар хоол хийх процессыг хөтлөн, бэлэн болох хүртэл тогоочтой хамт байхаар зохион бүтээжээ.