Гимнастикийн олон улсын тэмцээн энэ сарын 13-16-нд ОХУ-ын Благовещенск хотноо болж өндөрлөлөө.

Тэмцээнд Монгол, Филиппин, ОХУ-ын 14 багийн 100 гаруй тамирчин өсвөр үе, насанд хүрэгчдийн ангилалд өрсөлдсөн бөгөөд манай улсаас Ц.Алтантөгс, А.Оюунтуяа нарын удирдлага дор 10 тамирчин оролцож, дөрвөн алт, гурван мөнгө, нэг хүрэл медаль хүртжээ.

Тодруулбал, залуучуудын олимпийн аварга Э.Эрдэнэболд, Д.Энхтүвшин, А.Энхтулга, Э.Мөнхнаран алт, Б.Болдбаатар, Б.Мөнхсайхан, Э.Өсөхбаяр мөнгө, Г.Мөнхзол хүрэл медалийн эзэд болжээ.  

Э.Сүрэн