Монгол улсад 2016 онд нийт 69 удаагийн цаг агаарын аюултай үзэгдэл болсноос хүчтэй салхи шуурга 15, хүйтэн бороо 1, цочир хүйтрэл 6, уруйн үер 12, хүчтэй мөндөр 2, аянга цахилгаан 12 удаа тус тус ажиглагдав. Уруйн үер нь уулархаг нутагт хүчтэй аадар борооны улмаас уулын чулуурхаг хөрс, том ширхэгтэй чулуу бүхий хөрс хамагдаж урсах байгалийн аюултай үзэгдэл юм. Өнгөрсөн 2016 оны цаг агаарын аюултай үзэгдлүүд дундаас  7-р сарын 10-нд Баян-Өлгий аймгийн Өлгий сумын нутагт орсон хүчтэй түр зуурын аадар бороо хамгийн их буюу нийт 2.2 тэрбум төгрөгийн хохирол учруулсан байна. Түүнчлэн  8-р сарын 7-нд  Увсын аймгийн Улаангом сумын нутгаар 1,7 тэрбум төгрөгийн хохирол учруулсан түр зуурын хүчтэй аадар бороо орж, үер усны аюул дагуулсан байна.