Paramount Pictures-ийн гаргаж буй ирэх оны 3-р сард нээлтээ хийх Ghost in the Shell киноны талаарх зарим мэдээллийг та бүхэнд хүргэе. Энэхүү anime Live-Action-д Hollywood-ийн алдарт жүжигчин Scarlett Johansson-г гол дүр болох Motoko Kusanagi тоглосонд ихэнх хүмүүс шүүмжилж байсан билээ. Түүний нүүр царайг Ази дүр төрхтэй болгохын тулд компьютер график ашигласан байна. Зөвхөн Johansson гол дүрд тоглосондоо ч биш, яагаад энэ кино олны анхаарлыг маш ихээр татаад байгааг магадгүй та гайхаж байгаа байх.

1989 онд Masumane Shirow-ийн нийтэлсэн manga-г 1995 оны 11-р сарын 18нд Mamoru Oshii нь anime болгож гаргахдаа хошин шог болон сексуал агуулгыг багасган гаргасан байна. Ghost in the Shell бол Японы хамгийн алдартай анимуудын нэг бөгөөд гарсан үедээ Billboard видео жагсаалтад тэргүүлсэн анхны anime болж мөн түүнчлэн бусад олон жагсаалтад багтаж байжээ.

Ghost in the Shell бол хүний сүнс, хүйс, хүн төрөлхтөн болон техникийн эрэн үе г.м олон асуудлуудыг шингээсэн зөгнөлт, онц сонирхолтой адал явдалт anime юм. 2029 онд техник технологи нь хүний өөрийн бараг ямар ч эрхтэнг робот техникээр орлуулах боломжтой бөгөөд энэ хиймэл эрхтнүүдийн ачаар хөгшин нь залуужиж, сул дорой нь хүчтэй болох юм. Niihama хотын Нийтийн Аюулгүй байдлын 9-р хэлтсийн хиймэл оюун ухаантай робот, хүмүүсийн баг авилга болон терроризмийн эсрэг тэмцдэг ба Major Motoko Kusanagi, түүний туслах Batou, мэдээллийн ажилтан Ishikawa нар онц ноцтой гэмт хэрэгтэн hacker “Puppetmaster”-ийн хэрэг дээр ажиллана.

Ghost in the Shell трэйлерийн anime хувилбар

Ghost in the Shell - Anime болон Киноны трэйлерийн харьцаа