ЖАРГААХ ҮГСЭЭР ЖИГҮҮР ХИЙНЭ

ЖАРГААХ ҮГСЭЭР ЖИГҮҮР ХИЙНЭ

    Ажил олгогчид яагаад боловсролын зэрэг рүү харахаа болих хэрэгтэй вэ?

     (Оронд нь голчлон анхаарах 6 зүйл)

    Зөв хүнээ олох амаргүй. Ажил олгогчид сэтгэлгээгээ өөрчлөх шалтгааныг ийнхүү дурдаж байна.

    Үнэндээ гэвэл их сургууль төгсөөгүй боловч ухаантай, чадвартай залуус гадуур олон бий. Гүүгл компанид ажиллаж байсан хүний нөөцийн менежер Лазцло Бок ч гэсэн үүнтэй санал нийлдэг. Тэрээр 2013 онд Нью-Йорк Таймс сонинд өгсөн ярилцлагандаа их дээд сургуулийн дипломгүй ажилчдын Гүүгл компанид эзлэх хувь сүүлийн жилүүдэд идэвхтэй нэмэгдэж байгаа талаар ярьсан байдаг.

    Хоёроос гурван жилийн дараа таны гүйцэтгэх чадвар нь таны сургуульд суралцаж байх үеийн гүйцэтгэх чадвартай огт холбоогүй болно. Учир нь их дээд сургуульд шаардагддаг чадвар тэс өөр байдаг. Түүнчлэн та ч бас үндсээрээ өөр хүн болсон байдаг. Та сурч, өсч, аливааг өөрөөр хардаг болдог.”

    Тэгэхээр ажил олгогч та боловсролын зэрэг рүү харахгүй юм бол өөр юу руу харах вэ:

    • 1.Тэдний шийдсэн асуудал

    Танай компани хичнээн жигдхэн явж байгаа ч гэсэн өдөр тутамд жижиг асуудал үүсч байдаг.

    Иймээс л асуудал шийдэгч нар сайн ажилтан байж чаддаг. Анкет ба ярилцлагын явцад тэдний даван гарсан саад болоод шийдэж байсан тодорхой нэгэн асуудлыг боломжит ажил горилогчдоос асууна.

    • 2.Эерэг сэтгэх чадвар

    Хэн ч таагүй ажлын амьдралыг мэдэрч болно. Хэрэв ажил горилогч өмнөх ажил олгогчийн талаар сөрөг зүйлс ярьвал танай байгууллагын талаар мөн адил зүйл ярих нь ердөө цаг хугацааны асуудал байдаг.

    Эсрэгээрээ туулсан зүйлээсээ суралцдаг хүмүүст анхаарлаа тавь. Тэр тусмаа алдаа гаргаж түүнээс сургамж авсан хүмүүс танай хамт олонд их зүйлийг өгч чадна.

    • 3.Өөр амьдралыг туулсан

    Бусдаас өөрөөр өсч торнисон, өөр амьдрал туулсан хүмүүсийг эрж хайгаарай. Ингэж чадвал танай байгууллагын хүрээ олон талт болж чадна.

    Өөр үзэл бодлыг нэвтрүүлснээр бүлгийн сэтгэхүй хумигдаж, шинэ санаачлагыг дэмждэг онцлогтой.

    • 4.Туршлагыг эрэлхийл.

    Нэг салбарт олон жил ажилласан хүмүүс боловсролын зэрэггүй хэдий ч бодит практик, жинхэнэ мэдлэг эзэмшсэн байдаг.

    Нэмж хэлэхэд хамааралгүй салбарт туршлагатай хүмүүс ч гэсэн нэмэр болдог. Тэд бусдаас уян хатан байж, асуудлыг олон талаас хардаг. Түүнчлэн хэрэгтэй бол хувцсаа солиод өөр үүрэг гүйцэтгэх сонирхолтой байдаг.

    • 5.Сэтгэл зүйн чадварыг харгалз.

    Үндэслэлтэй шүүмжээс өөрт хэрэгтэй зүйлийг хэрхэн авдаг мөн шаардлагатай үед сөрөг саналыг хэрхэн хүлээн авдаг талаар асууна.

    • 6.Өөрийн ажиллагчид руу хар.

     

    Сайн ажилтнуудаас санал болгох хүн байгаа талаар асууж болно. Ихэнх тохиолдолд тэд компанийн өдөр тутмын ажилд ямар хүн хэрэгтэй байгааг мэдэх тул тохирно гэж бодсон хүн санаанд нь байж магад.

    эх сурвалж: biznetwork.mn/content/27551

    Манай сайт таалагдсан бол лайк дараарай

    МАРКЕТИНГИЙН АЛБА
    976-77770784
    hiubsite@gmail.com

    976-77770784
    976-77770784

    Хаяг: Монгол Улс, Улаанбаатар хот, Хан-Уул дүүрэг, 15-р хороо, Романа Ресиденс, 18 давхарт

    Тийм Үгүй