Магадгүй энэ Оскарын түүхэнд хамгийн сэтгэл хөдөлгөм мөч байсан байх. Дуучин Лэди Гага Оскарт нэр дэвшсэн, бэлгийн хүчирхийллийн тухай "Til It Happens to You," дуугаа дуулж, оргил хэсэг дээр нь хөшиг нээгдэн уйтгарласан царайтай олон залуучууд тайз руу дөхөж ирсэн юм. Тэд бол бүгд бэлгийн хүчирхийлэлд өртөж залуучууд. Тэдний гаран дээр "Амьд үлдэгсэд", "Чи бол хайр", "Чиний буруу биш" гэх мэт бичиг бичсэн байлаа. Дууныхаа төгсгөлд Лэди Гага гар гараасаа хөтлөн дээш өргөхөд үзэгчид бүгд босон алга ташин уйлж байсан юм.